Рускиот претседател Владимир Путин се сретна со Советот за безбедност на Русија за да именува 17 нови амбасадори.
Тој за време на говорот стоеше на 20-ина метри од дипломатите, што покажува дека рускиот претседател продолжува да живее во бункер поради стравот од COVID-19. Путин рече дека не може да се сретне со пратениците поради „санитарни ограничувања“.
„За жал, нашата церемонија е при крај. Бидејќи санитарните ограничувања сè уште се во сила, нема да можеме да разговараме лице в лице. Но, сигурен сум дека ќе ја имаме оваа можност повеќе од еднаш за време на вашиот престој овде. Ви посакувам сè најдобро“, им порача тој од далеку.
Она што беше забележливо е дека никој не му аплаудираше на крајот од говорот. На церемонијата на акредитација присуствуваа Роланд Галараг, претставник на ЕУ, како и новите амбасадори на земјите од НАТО, Норвешка и Данска.
Меѓу другите делегати беше и американската амбасадорка во Русија, Лин Трејси, првата жена на оваа функција од нејзиното назначување минатиот декември.
Портпаролот на Кремљ, Дмитриј Песков, нагласи дека Путин нема намера да има посебна церемонија со американската амбасадорка.
„Односите меѓу Русија и САД, од кои директно зависат глобалната безбедност и стабилноста, се во длабока криза“, ѝ порача Путин на Трејси.
Тој живееше под строг личен карантин во последните четири години, па затоа се вели дека Путин „патолошки се плаши за својот живот“.
Глеб Каракулов (35), кој служеше како капетан во Федералната служба за безбедност (ФСО), рече дека Путин станал осаменик исплашен до смрт од коронавирусот.
