Рускиот претседател Владимир Путин изјави дека за Русија е неприфатливо тоа што во некои земји се отстрануваат споменици на советски војници.
„Со болка во срцето гледаме како во некои советски земји се отстрануваат споменици на советски војници кои ги дадоа животите за слободата на нивните народи“, изјави Путин.
Преку видеопорака тој им се обрати на учесниците на церемонија на отворање на обновен меморијален комплекс во Доњецк.
„За Русија сето тоа е незамисливо. Ние сме телата на нашите предци. И обновувањето на меморијалот на заштитниците на Донбас, херојството на нашите војници, офицери и востаници е предупредување за сите оние кои се откажаа од нивните предци и ги заборавија лекциите од историјата“, се наведува во соопштение на рускиот претседател.
Тој нагласи дека Русите ги паметат своите роднини, оние на фронтот и нивните соборци, и во нивна чест Русија чува и обновува меморијални комплекси и никогаш не може да сфати ни прифати да се уништи и урне тоа што претставува сеќавање на јунаштвото на предците, нивните храброст, страдање и жртвување.
„Овде семејно се одбележуваше Денот на победата, задолжително се доаѓаше на 8 септември на годишнина на ослободувањето на Донбас од нацистите. Но, од 2014 година спокојниот и мирен живот во таа област е завршен“, се наведува во соопштение.
Путин им се заблагодари на сите кои учествуваа во реставрација на комплексот, истакнувајќи дека идејата се родила уште пред неколку години.
