Рускиот претседател Владимир Путин ги обвини САД за одолговлекување на украинскиот конфликт, односно дека се обидуваат „да го дестабилизираат“ светот преку неодамнешната посета на Ненси Пелоси на Тајван.
– Ситуацијата во Украина покажува дека САД се обидуваат да го продолжат конфликтот. Дејствуваат на ист начин, поттикнувајќи го потенцијалот за конфликт во Азија, Африка, Јужна Америка, изјави Путин во обраќањето на Меѓународната безбедносна конференција во Москва.
Според него, „американската авантура кон Тајван не е само патување на еден неодговорен политичар, туку дел од намерна, свесна стратегија насочена кон дестабилизација и внесување хаос во ситуацијата во регионот и во светот“.
Се работи за „бесрамна демонстрација на непочитување на суверенитетот на други земји и на нивните меѓународни обврски“, смета Путин, критикувајќи ја, како што ја нарече, „внимателно подготвената провокација“.
Рускиот претседател истакна и дека „специјалната воена операција на Русија во Украина се спроведува целосно според Повелбата на ОН.
„Целите ѝ се јасно определени – да ја гарантира безбедноста на Русија и на руските граѓани, да ги заштити од геноцид жителите на Донбас“, смета тој,
