Ракета на американската компанија SpaceX, дизајнирана за мисија на Марс, успешно слета при тестирањето, но експлодира неколку минути подоцна. Настанот беше пренесен во живо на YouTube.
Ракетата Starship SN10 полета од Бока Чика во 18:15 часот по локално време, за неколку минути се искачи на висина од 10 километри и потоа се спушти на површината покрај рампата за лансирање.
Отпрвин јасно се гледаше пламенот, а минути подоцна се случи и експлозија.
Прототипи на оваа ракета и претходно експлодираа при две тестирања на слетување, во февруари и декември, 2020 година.
Starship е предвиден за повеќекратна употреба во мисии на Марс и со него е предвидено да патуваат 100 луѓе на Црвената планета.