Ракетата Space Launch System или SLS, со мало оштетување, успеа да ја „преживее“ бурата Никол и остана на рампата за лансирање. Планот и понатаму е да биде лансирана во текот на неделава.
Вработените во НАСА одлучија ракетата SLS да ја остават на рампата, како и леталото Orion, верувајќи дека можат да го издржат интензитетот на бурата. Има штета, но е минимална и се однесува на Орион.
Проблемот ќе биде решен по што се ќе биде подготвено за лансирање на мисијата Artemis 2, која претставува патување околу Месечината без екипаж.
Целта е да се тестира технологијата пред Orion да се испрати со екипаж на Месечината. Иако некои експерти се загрижени дека силните ветрови можат да ја превртат ракетата, НАСА сепак ја остави на рампата за лансирање во текот на ураганот.
Лансирањето е планирано за утре, 16 ноември, а веќе неколку пати беше одложено.
