Алцхајмеровата болест е една од најчестите форми на деменција во светот, таа е прогресивна и симптомите може да се развијат неколку години пред официјалната дијагноза. Затоа препознавањето на првите симптоми е клучно за пациентот.
Сепак, поради слични симптоми, Алцхајмеровата болест понекогаш е потешко да се разликува од другите медицински состојби како депресија, ненадејни промени во расположението или анксиозност.
Националната здравствена служба (NHS) наведува дека покрај промените во расположението, внимание треба да се посвети и на губење на меморијата, тешкотии со концентрирање, тешкотии во следење разговори или наоѓање вистински зборови и конфузија за времето и просторот.
Научникот Роберт Лав им помага на луѓето да разберат кои се раните предупредувачки знаци. Во една од своите објави на социјалните мрежи, тој објасни дека еден од првите симптоми на Алцхајмерова болест е ако некој не може право да го паркира автомобилот.
Ова сознание доаѓа по истражувањето спроведено од психијатарот Данел Амен, со скенирање на мозокот на луѓето со Алцхајмерова болест.
„Првото нешто што д-р Даниел Амен го откри беше дека париеталните лобуси почнаа да откажуваат, и тие се вклучени во сетилниот влез. Значи, ран предупредувачки знак е дека луѓето се губат или луѓето имаат проблем да паркираат право“, објасни Лав.
Д-р Лав исто така вели дека постои врска помеѓу спиењето и болеста. Ако не спиете, вашиот мозок не функционира правилно. Спиењето го намалува ризикот од депресија и анксиозност и е од суштинско значење за создавање нови спомени.
Тој советува дека вежбањето може да помогне во спречување на Алцхајмерова болест. Рече дека правењето аеробни вежби од 20 до 30 минути неделно го намалува ризикот и дека вежбањето со тегови може да помогне да се спречи тоа.