Побарувачката за капацитетот на гасоводот што испорачува руски гас преку Украина до Словачка силно порасна, покажуваат податоците на словачкиот гасовод оператор TSO Eustream.
Во Словачка преку граничната точка Велики Капушани денеска треба да влезе 51 отсто повеќе руски гас од вчера, вкупно 946.741 мегавати (MWh), покажуваат податоците.
Украина во вторникот го ограничи снабдувањето со руски гас за Европа, блокирајќи ја клучната транзитна точка Сохрановка и барајќи пренасочување на гасот преку друга точка на украинска територија.
Украинците не сакаат гасот да минува низ Сохрановка
Украинската страна одби да дозволи гасот да минува низ Сохрановка, соопшти рускиот гасен гигант Газпром, додавајќи дека продолжува да испорачува гас за Европа, преку украинска Суџа. Денеска на оваа рута во Европа треба да пристигнат 61,97 милиони кубни метри гас, 22,5 отсто повеќе од вчера, објави руската компанија.
Русија во средата го забрани бизнисот со сопственикот на полскиот дел од гасоводот Јамал, кој исто така испорачува руски гас во Европа, и со поранешните филијали на Газпром во ЕУ и САД. Во последните недели, гасот на Јамал главно се движи во спротивна насока, од Германија кон Полска, на која Газпром ѝ го прекина снабдувањето во април.
Испораките на руски гас за Германија се стабилни
Во Полска денеска на точката Малнов на границата со Германија влезе исто количество гас како и синоќа, покажаа податоците од операторот на гасоводот Гаскада.
Испораките на руски гас за Германија преку гасоводот Северен поток 1 преку Балтичкото Море се стабилни.
