Ако сакате да јадете ќофтиња, сигурни сме дека ќе ви се допадне и овој рецепт. Се јадат во еден залак, а превкусни се поради сосот од јогурт. Бидејќи нема месо, одличен е и за вегетаријанци.
Ќофтињата се вкусно јадење кое скоро секој знае да го подготви, а доколку и вие сакате да ги јадете, тогаш ви предлагаме да го пробате овој рецепт. Направете мини ќофтиња од булгур и компир и послужете ги прелиени со сос од јогурт и од кисели краставички. Ќофтињата на овој начин ги подготвуваат Турците, а сигурни сме дека и вам ќе ви се допаднат.
Потребни состојки:
- 1 чаша булгур
- 1 чаша топла вода
- 1 лажичка сол
- 1 јајце
- 1 лажичка ким
- 1 лажичка бибер
- 1 лажичка блага пипер
- 1 компир
- 2 лажици брашно
- ½ конзерва грашок
- 1 морков
- 4-5 кисели краставички
- ½ стапче целер
- 1 китка нане
- 200 мл јогурт
- 2 чешниња лук
Подготовка:
Истурете булгур во сад, посолете и прелијте со топла вода. Измешајте, покријте и оставете да отстои околу 15 минути. Потоа промешајте и додадете го јајцето, варениот компир исечкан на коцки, зачинете (мелени ким, бибер и блага пипер) и сè убаво измешајте. Додадете брашно и замесете со рака додека сè добро не се соедини. По потреба додадете малку вода.
Обликувајте мали топчиња како џамлии и наредете ги во чинија. Потоа во тава во која сте загреале масло пржете ги додека не добијат златна боја.
Испржените мини ќофтиња ставете ги во огноотпорен сад, па додајте ги сечканите моркови (што сте ги свариле), грашокот и целерот. Потоа додадете ги кисели краставички што сте ги исечкале на тркалца, како и сечканото нане. Истурете јогурт и додадете рендан лук. Сè добро измешајте.
Или, за поедноставно, следете ги инструкциите на видеото: