Планирана е изградба на Tesla ресторан, две кина, бар на покривот и 32 станици за полнење на електрични автомобили, додека за услугата на гостите ќе се грижи роботот Ottomate.
Компанијата Tesla на Илон Маск започна со изградба на футуристички ресторан и кино во Лос Анџелес, прв од ваков вид во САД.
Во холивудската област се планира изградба на футуристички „дајнер“ и „драјв-ин“ кино, а зад сето тоа стои идејата за изградба на првата суперстаница за полнење електрични автомобили - Tesla Supercharger станица што Маск веќе ја најави на X (Twitter).
Алудирајќи на некогаш култниот филм „Grease“ и некогаш популарната футуристичка анимирана серија „The Jetsons“, Маск истакна дека објектот ќе изгледа како „спој на Gease и The Jetsons на стероиди“, па се шпекулира дека објектот ќе има ретро-футуристички изглед.
Работите на изградбата на зградата веќе започнаа, бидејќи градските власти на Лос Анџелес ги издадоа потребните дозволи на почетокот на оваа година.
Во рамките на објектот е предвидена изградба на ресторан, два кино екрани, бар на покривот и 32 станици за полнење на електрични автомобили.
Услугата во двокатната зграда ќе биде целосно автоматизирана, а за неа ќе бидат задолжени роботите за доставување Ottomata.
Засега не се знае дали ова ќе биде уникатен проект или концептот на станици за суперполнење ќе се прошири низ целата земја, што веројатно ќе го одреди успехот на идниот објект во Лос Анџелес.
Без разлика, сопствениците на автомобилите на Tesla (барем тие во Лос Анџелес) ќе добијат објект во кој ќе можат убаво да се забавуваат додека чекаат да им се „полни“ автомобилот.
Се чини дека Tesla отвора ново деловно поглавје пред претстојниот почеток на производството и продажбата на долгоочекуваниот модел Tesla Cybertruck, кој веќе постигна голема популарност меѓу идните клиенти во периодот на преднарачка.
