Српскиот режисер Стеван Филиповиќ преку статус на Twitter ѝ соопшти на јавноста дека е припадник на ЛГБТИ + популацијата.
„Ја сменив профилната слика. Сега е попрецизна. Некому тоа е важно, некому небитно. Само да биде јасно дека не постои дел од мене од кој се срамам, кој го кријам или кој некој може да помисли да го искористи како оружје во евентуален конфликт. Го бришеме подтекстот, од 1981 година“, напиша Филиповиќ во објавата.
Фотографијата на профилот на Филиповиќ сега е врамена во боите на виножитото, со што на јавноста ѝ е јасно дека тој е припадник на ЛГБТИ+ заедницата.
Стеван Филиповиќ на јавноста во регионот ѝ е познат како автор на популарните филмови „Šejtanov ratnik“, „Šišanje“ и „Pored mene“.