Научници од Универзитетот во Орегон работат на проект на роботи кои би можеле да се користат за доставување, но и за помош во домаќинствата. Така, претставен е робот наречен Cassie, кој „научи“ да трча и заврши трка долга 5 километри за 53 минути.
Роботот е производ на тимот Agility Robotics при Универзитетот, а направен е во 2017 година. На прв поглед личи на ној без тело кој трча без цел, но всушност роботот е издржлив, се напојува со батерија коа трае цел ден.
Неговата отворена архитектура овозможува контрола на ниско ниво така што може да послужи како платформа за истражување и развој на нови методи на контрола.
Роботот неодамна испиша историја откако заврши трка од 5 километри за 53 минути. Во тоа време се пресметани и седум минути потрошени за ресетирање кога компјутерот се прегреа поради движења при голема брзина.
Тимот има и робот наречен Digit кој може да оди и да се движи по скали, а покрај нозете има раце со кои може да врши основни задачи.
