Се проценува дека моментално има околу 6.500 сателити во орбитата на Земјата, од кои половина не се функционални.
Во вселената има илјадници сателити кои веќе не се во функција, па сѐ повеќе експерти се интересираат како да ги оживеат неисправните и да ги зачуваат оние што работат.
На почетокот на 2020 година американската армија ги доби таканаречените „Вселенски сили“, специјален огранок на воздухопловните сили кој ќе биде задолжен за некои идни битки во вселената.
Оваа гранка во соработка со голем број компании и научници го создаде проектот SURI (Space University Research Initiative) чија цел е развој на паметни системи за склопување и одржување на сателити во вселената.
Проектот е пријавен под наслов „Разбиравње на парадигмата 'лансирај еднаш, употребувај еднаш'“ што е особено корисно бидејќи голем број сателити се наменети за еднократна употреба, а потоа остануваат да лебди во вселената.
Се проценува дека моментално има околу 6.500 сателити во орбитата на Земјата, од кои половина не се функционални. Тој број може само да се зголемува во иднина, особено со огромните соѕвездија како Starlink, па затоа се потребни решенија. SURI би можел да помогне тука, бидејќи работи на тоа да може да ги оживее мртвите сателити, но и да се грижи за оние кои допрва треба да бидат лансирани.
Идејата е да се направи група роботи кои би ги полнеле објектите во вселената со гориво, би им ги менувале нивните дотраени делови, а се работи и на машина која лансираните делови ќе ги поврзе со функционални сателити, што значи дека ќе се обучува практично да се „произведуваат сателити во вселената“.
Проектот ќе користи достигнувања во областа на вештачката интелигенција, роботиката, 3D печатењето, така што не е невозможно роботите еден ден да печатат сателити и којзнае што друго, далеку од Земјата. Проектот ќе трае од 3 до 5 години, а за развој се планира да се трошат по 1 милион долари годишно.
Ваквите машини ќе бидат многу корисни, особено ако се има предвид дека скршените телескопи и сателити за поправка чекаат човечки експедиции кои не одат толку често во вселената.
