Американскиот актер Двејн Џонсон, популарно познат како The Rock, објави видео од напорен тренинг за да ги мотивира своите следбеници да се занимаваат со физичка активност, но многумина забележа иста чудна работа.
Имено, The Rock откри дека тешко се натерал да тренира во 23 часот бидејќи тоа не му е вообичаено време за тренинг.
„Телото не сакаше да оди на тренинг среде ноќ - но тој мал глас во стомакот ми рече дека можеби не сакаш, но после ден како денешниот, дефинитивно мораш. Искрено, завршив со еден од најдобрите тренинзи досега. Целосно освежен и способен да ја исчистам главата и енергијата. Адреналинот ми беше на 10, па на некој начин сето ова ми беше многу смирувачко“, напиша познатиот актер.
„Мораме да го слушаме тој глас во нашите црева што вели 'да' кога остатокот од нашето тело вели 'не'. Продуктивна недела“, напиша Џонсон под објавата.
Сепак, неговите следбеници забележаа дека горниот дел од телото му е набилдан, додека нозете не изгледаат така на видеото.
„Брат, нозете?“, „Што не е во ред со твоите нозе“, „Сега можам да кажам дека имам листови како Двејн Џонсон“, „Си ги прескокнал нозете“, „Моите листови се поголеми од неговите. Ако не постигнам ништо во живот, ќе се гордеам со тоа“, „Што е со нозете?“, се дел од коментарите.
Инаку, актерот претходно изјави дека обично внесува околу 6.000 калории дневно за да ги поттикне интензивните тренинзи и да ја одржи мускулната градба.
