Шпанија синоќа сензационално падна во Шкотска, па очигледно нервозниот капитен реши утеха да бара во начинот на кој домаќините го трошеле времето.
Шпанците во Глазгов отпатуваа откако фуриозно ја средија Норвешка (без Ерлинг Холанд) со 3:0, но заринкаа на „Хампден Парк“. Шпанија 19 натпревари во низа немаше пораз во квалификациите за Европско првенство. Последниот таков пораз им беше во квалификациите за ЕУРО 2016 кога во 2014 година загубија од Словачка со 2:1.
Шкотланѓаните беа на крилјата на јунакот Скот МекТоминеј кој ги постигна двата гола, иако игра на позицијата дефанзивен играч од средината.
Капитенот на Шпанија, Родруго Ернандес Касканте, попознат како Родри, воопшто не беше импресиониран од победата на Шкотите. Напротив, дури и јавно ги критикуваше.
„Направивме многу добри работи, но не дадовме гол, а примивме лесни голови. Таков е фудбалот. Кога тоа ќе ти се случи добиваш казна“, почна капитенот.
„Така играат тие. За мене тоа е срање. Цело време само задржуваат време. За мене тоа не е фудбал. Судиите требаше да сторат нешто, но молчеа. Сигурен сум дека ќе ја научиме лекцијата за нареден пат. Сакаме да се бориме, да влегуваме во дуели. Ние сме борбена екипа, а тоа што тие го прават не е борба. Четири-пет играчи лежат на терен, но тоа е до судијата, не е до нас“, заврши бесниот Родри.