Холивудските легенди Арнолд Шварценегер и Силвестер Сталоне ги израдуваа обожавателите со заедничка фотографија, направена за специјален повод.
Роки и Терминатор на Instagram објавија фотографија на која резбаат тиква за Ноќта на вештерките.
„Јас и мојот прекрасен пријател Арнолд се дружиме во неговата неверојатна канцеларија правејќи тикви за Ноќта на вештерките со ножеви за преживување. Тоа е она што го прават акционите момчиња во своето слободно време“, порача Сталоне.
„Двете легенди во еден кадар“, напиша обожавател во коментар и собра стотици лајкови.
Двајцата актери досега се имаат појавено во голем број филмови и судејќи според фотографиите објавени на социјалните мрежи, и приватно уживаат во заедничката дружба.
