Со хет-трикот против Каљари, Кристијано Роналдо стигна до бројката од 770 постигнати голови на официјалните натпревари, а со тоа и постави рекорд со кој го прескокна досегашниот број еден - легендата Пеле.
Постојат различни податоци за вкупниот број на постигнати голови на легендарниот бразилски фудбалер, како статистиката од 1.283 погодоци, во која се вклучуваат голови од разни пријателски и хуманитарни натпревари. Меѓу тие различни податоци е и оној за 767 голови, а откако ја надмина таа бројка преку социјалните мрежи, се јави новиот рекордер.
Роналдо не штедеше зборови за да го искаже восхитот кон Пеле.
„Во последниве недели бевме преплавени со новости и статистики за моето рушење на рекордот на Пеле од 757 официјални голови. Иако сум благодарен за признанието, време е да објаснам зошто досега не сум го прифатил тој рекорд. Моето огромно воодушевување од господинот Едсон Аранчис ду Насименту, како и неговата почит кон фудбалот во средината на 20 век, ме натера да ги пребројам неговите 767 погодоци. Како официјални голови ги сметав деветте гола за тимот на Сао Паоло и еден гол за репрезентацијата на бразилската армија. Светот и фудбалот се променија, но тоа не значи дека можеме да ја избришеме историјата како што нам ни одговара“, напиша Роналдо во воведот и продолжи:
„Јас денес стигнав до 770. официјален гол во мојата кариера, а моите први зборови се упатени кон Пеле. Нема фудбалер на светот кој не пораснал слушајќи приказни за неговата игра, неговите цели и успеси. Јас не сум исклучок и затоа сум пресреќен и горд. Не можев ни да сонувам да го соборам рекордот на Пеле, растејќи како дете во Мадеира“, напиша Роналдо на социјалните мрежи, заблагодарувајќи им се на сите што беа со него на неговото патување.
The last few weeks were filled with news and stats considering me the World’s Top Scorer in football history, overcoming...
Posted by Cristiano Ronaldo on Sunday, March 14, 2021
Самиот Пеле призна дека Португалецот го соборил рекордот, велејќи му на Роналдо дека единствено за што жали е што не може да биде до него во овој момент да го прегрне.
Легендарниот бразилски фудбалер изрази одушевување од напаѓачот на Јувентус и Португалија и му го честиташе на 36-годишниот играч апсолутниот рекорд по бројот на голови.
„Ти се восхитувам. Сакам да те гледам како играш, и тоа не е тајна за никого. Животот е осамен лет, секој оди по сопствен пат. А какво патување е твоето!“, напиша Пеле на Instagram
Оваа сезона, Роналдо одигра 33 натпревари за Јувентус, постигна 30 погодоци и забележа пет асистенции.