Португалскиот фудбалер Кристијано Роналдо ги пречека дома свршеницата Георгина и новородената ќерка и објави фотографија од семејството.
Роналдо и неговото семејство преживеаја тешка трагедија. Во понеделникот, за време на породувањето починал новородениот син, а за среќа девојчето преживеало. Вчера Георгина излезе од болница со бебето и семејството е повторно заедно.
Роналдо се огласи на социјалните мрежи и рече дека е среќен што има голема поддршка ширум светот и дека тоа му значи многу.
„Доме, сладок доме. Георгина и нашето девојче конечно се со нас. Сакаме да им се заблагодариме на сите за убавите зборови и гестови. Вашата поддршка е многу важна и сите ја почувствувавме љубовта и почитта што ја имате кон нашето семејство. Сега е време е да бидеме благодарни за малиот живот што штотуку го дочекавме на овој свет“, напиша Роналдо.
По големата трагедија, Роналдо вчера се врати на тренинзите во својот Манчестер Јунајтед, а денеска го одработи првиот целосен тренинг со соиграчите.