Двајцата најдобри фудбалери на 21. век, Лионел Меси и Кристијано Роналдо, ќе играат еден против друг вечерва на мечот Барселона – Јувентус.
Тоа ќе биде првиот „судир на титаните“ по две години, седум месеци и два дена.
Роналдо пристигна со „Старата дама“ во Барселона, каде беше „исвиркан“ од фановите на Барса.
Последен пат тие се сретнаа на 6 мај 2018 година на „Камп Ноу“ во Ла Лига, кога Барселона и Реал (каде тогаш играше Роналдо) одиграа 2: 2, и двајцата постигнаа гол.
Аргентинецот и Португалецот, кои заедно имаат освоено 11 Златни топки и девет ЛШ титули, се немаат сретнато после тоа, бидејќи Роналдо го напушти Реал Мадрид и се пресели во Јувентус.
На првиот натпревар во Торино на 28 октомври, кога Каталонците славеа со 2:0, Роналдо не беше во тимот бидејќи беше позитивен на коронавирус.
Меси и Роналдо се сретнале во Лигата на шампиони петпати: трипати додека Роналдо беше во Манчестер Јунајтед (во полуфиналето во 2008 година и финалето во 2009 година), и двапати на дуелите помеѓу Реал и Барселона, во полуфиналето во 2011 година.
Интересно е што победникот секогаш го освојуваше трофејот: Роналдо во 2008 година, и Меси во 2009 година, односно 2011 година.
Двете екипи веќе обезбедија пласман во осминафиналето.