Роверот Curiosity на НАСА стигна во регионот наречен Mount Sharp од каде испрати нови фотографии.
Научниците се радуваат на можноста „одблизу“ да го видат теренот, а сега роверот тоа им го овозможи. Станува збор за регион богат со солени минерали, за кои се верува дека се формирани додека се сушела климата на Црвената планета.
По слетувањето, роверот откри различни типови карпи и знаци на некогашно постоење на вода. Тука има и солени минерали како магнезиум сулфат, калциум сулфат и натриум хлорид.
Научниците се надеваат дека ќе откријат зошто климата на Марс се променила, а претходно наликувала како климата на Земјата. Денес, потсетува на пустина.
Ќе се земат примероци со дупчење, роверот ја одбра ударната карпа ротирајќи ја дупчалката на крајот од неговата рака долга два метри, за да ги извлече примероците за анализа.
Научниците ќе ги анализираат примероците со инструмент за хемија и минерологија, како и со инструментот Sample Analysis at Mars.
Откако се позиционира, роверот ги испрати некои од најинспиративните фотографии со пејзажи од Марс. Curiosity сега има нови предизвици, а научниците се одушевени од новите фотографии.