Руската компанија Caviar планира да ја направи најскапата конзола PlayStation 5 во светот, а се посочува дека системот ќе биде креиран со употреба на 20 килограми злато.
Покрај прилагодената конзола PlayStation 5, системот исто така ќе се состои од „Golden Rock“ DualSense гејмпеди од кожа од крокодил и златни додатоци за да им дадат луксузен изглед и чувство.
PlayStation 5 на Caviar ќе биде креиран со употреба на осум 18-каратни златни плочи, кои ќе се формираат со примена на јувелирски техники од Русија, за да ѝ дадат на прилагодената конзола PS5 единствена геометрија и ексклузивна естетика.
Ако ја земете предвид моменталната цена на златото, како и вештините и уметничката работа што се потребни за да се создаде толку голем јувелирски производ, оваа конзола би можело да чини над милион долари, пренесува Benchmark.
Caviar ќе создаде само една Gold Edition PlayStation 5 конзола, што ја прави уникатен производ што ќе им биде достапен на најбогатите клиенти на компанијата.
