Потеклото на новиот коронавирус поверојатно е природно отколку вештачко, имајќи предвид дека генетската сличност на SARS-CoV-2 со природните вируси е поголема од 90 проценти.
Ова го тврди директорката на Рускиот научно-истражувачкиот институт за вакцини и серуми „И.И. Мечников“, Оксана Свитич.
Научничката изјави дека нема податоци што укажуваат на тоа дека вирусот е вештачки создаден, пренесува ТАСС.
„Бидејќи нема директен доказ дека вирусот е вештачки производ, јас сум повеќе склона да мислам дека SARS-CoV-2 има природно потекло“, вели Свитич.
Според последните податоци, досега над 75 милиони луѓе во светот биле заразени со коронавирусот SARS-CoV-2, кој ја предизвикува болеста COVID-19. Повеќе од 53 милиони луѓе се излекувани, а над 1,6 милиони луѓе починаа.