Руските истражувачи објавија дека ја модифицираа вакцината против коронавирус Спутник V, која се користи повеќе од година дена, за употреба против позаразниот делта сој.
„Вакцината која ја модифициравме веќе е во фрижидер, рече управникот на институтот Гамалеја“, Александер Гинзбург и додаде дека сè уште е премногу рано за да се зборуа за степенот на ефикасноста на вакцината.
И останатите произведувачи во светот веќе работат на модифицирање на своите вакцини за да бидат повеќе ефикасни против делта сојот.
Русија досега разви вкупно четири вакцини против коронавирус, а сега работат и на петтата, тврдат руските власти.
Спутник V е одобрена во 70 земји и се користи на меѓународниот пазар.
Рускиот министер за здравје Михаил Мурашко вели дека руската вакцина е ефикасна 83% кога станува збор за делта сојот.
И Русија се бори со делта сојот. Секојдневно се регистрираат околу 800 смртни случаи како последица од COVID-19.
Според службените податоци, во Русија се вакцинирани 41,5 милиони луѓе.
