Овогодинешниот Саем на книга ќе се одржи од 8 до 14 септември и веројатно ќе биде на затворено.
Традиционално, Саемот на книга ќе биде поддржан од Министерството за култура и оваа година, а локацијата повторно ќе биде салата Борис Трајковски, со тоа што за разлика од лани, кога се одржа на едниот од паркинзите, сега планот е да се одржи во големата сала, на затворено. Нормално, за тоа да се реализира ќе се следи ситуацијата со пандемијата.
Саемое е поддржан од Македонската Асоцијација на издавачи, Здружението на издавачите и книжарите на Македонија (ЗИКМ), Здружението на албанските издавачи од Македонија и Сојузот на албански издавачи во Македонија.
За време на одржувањето на саемот протоколите за безбедност ќе бидат најстрого почитувани, за кои посетителите и изложувачите ќе бидат навремено информирани.
Под мотото „Безбедни саеми“ Саем на книга е првата саемска манифестација оваа година, а по него ќе следи и долгоочекуваниот Саем за мебел.
