Скопје, 4 јули 2020 (МИА) – Сафет Бишевац, кандидат за пратеник од листата на ВМРО-ДПМНЕ, денеска на својот Facebook профил соопшти дека е позитивен на COVID-19.
-Почитувани пријатели, тестирањето покажа дека сум позитивен на COVID-19. За жал, нештата понекогаш се случуваат и покрај максималното можно почитување на препораките за заштита, наведува Бишевац.
Тој додава и дека засега се чувствува одлично, како и дека нема никаков проблем, но заедно со семејството во наредниот период ќе остане во изолација и ќе биде под надзор на матичниот лекар.
