Ѕвездите на Ливерпул и Манчестер Сити не успеаја со нивните репрезентации да обезбедат место на претстојниот Мундијал, па сега се снајдоа на некој начин да бидат дел од него.
Мохамед Салах и Ријад Махрез, двајцата најдобри играчи во своите Египет и Алжир, ќе „работат“ како стручни коментатори за време на натпреварите од Мундијалот во Катар.
Салах со неговиот Египет загуби на пенали во баражот од Сенегал, додека Махрез со Алжир претрпе изненадувачка елиминација од Камерун. Мундијалот дефинитивно ќе биде посиромашен за овие две докажани фудбалски имиња, кои сепак некако си најдоа место, макар било, ете, како коментатори.
И двајцата досега само еднаш беа дел од Мундијал. Салах играше на минатиот во 2018 во Русија кога неговиот Египет ги загуби сите три натпревари, а Салах ги постигна единствените два гола за својот тим. Махрез учествуваше на Мундијалот во 2014 во Бразил кога Алжир успеа да ја мине групата за потоа во осминафиналето да загуби од Германија по продолженија. Махрез тогаш не постигна гол.
