Откако пристигна серијата Galaxy S22 на Samsung, сите се свртуваат кон претстојните телефони на преклоп и шпекулираат за нивните спецификации.
Станува збор за моделите на Samsung Galaxy Z Fold 4 и Galaxy Z FLip 4, кои се очекува да се појават на пазарот во август. Веќе познатиот типстер Dohyun Kim откри дека Galaxy Z Fold 4 ќе добие значително подобра камера во однос на претходникот, а се работи за главна камера од 108 MP. Тоа веќе го видовме во случајот со Galaxy S22 Ultra, а оваа камера претставува огромен скок над главната камера од 12 MP што ја има Galaxy Z Fold 3.
Претходно, се појавија информации дека Galaxy Z Fold 4 ќе позајми телефото камера од 10 MP со 3x оптички зум од Galaxy S22 и S22 Plus.
Предната камера интегрирана во екранот ќе остане иста, а се очекува поддршка за S Pen, а за разлика од моделот Galaxy Z Fold 3, новиот модел би требало да има и држач за пенкало.
Други извори наведуваат дека ќе има внатрешен OLED екран од 7,56 инчи со брзина на освежување од 120 Hz, како и надворешен екран од 6,19 инчи.
Повеќе информации за новите преклопни уреди на Samsung се очекуваат во наредниот период.