Samsung ќе претстави нова верзија од минатогодишниот The Wall, огромниот модуларен MicroLED екран. Новиот телевизор со повеќе од 1000 инчи е наменет за компаниите.
Засега овој екран ќе биде достапен само на некои пазари, но во соопштението на Samsung за јавноста не е наведена цената така што можеме само да претпоставиме колку ќе биде скап.
Ќе добие нова ЛЕД диода која треба да доведе до поголем контраст и поубави бои.
Екранот има 8К резолуција со брзина на освежување од 120Hz, а со оглед на тоа дека се состои од модуларни панели, може да биде распореден во повеќе различни конфигурации, вклучувајќи и ултраширока резолуција 15.360х2.160.
Samsung соопшти дека неговата најнова верзија има максимална осветленост од 1.600 нити.
