„Dracula“ е готик хорор драма од 1992 година во режија на Френсис Форд Копола, работена според истоимениот роман на Брам Стокер од 1897 година.
Филмот покрај славен режисер има и завидна актерска екипа: Гари Олдман е во улогата на Дракула, Винона Рајдер ја игра Мина Харкер, Кијану Ривс нејзиниот свршеник Џонатан и Ентони Хопкинс е во улогата на професорот Абрахам ван Хелсинг. Моника Белучи има епизодна улога.
Филмот доби генерално позитивни критики, со исклучок на забелешките за чудниот британски акцент на Ривс.
Заработи 215 милиони долари на киноблагајните, наспроти буџетот од 40 милиони.
Беше номиниран за четири Оскари и освои три – за костимографија, монтажа на звук и за шминка.
Песната „Love Song for a Vampire“ од саундтракот на филмот, што ја напиша и изведе неповтрливата Ени Ленокс, постигна интернационален успех.
„Dracula“ се смета за еден од најдобрите филмови од плодните 90-ти, а многумина го вбројуваат меѓу најдобрите филмови на сите времиња.
Сега се најде под лупата на дечките од CinemaSins кои најдоа 181 филмски грев.