Warner Bros одлучи да снима римејк на филмот „Телохранител“ (The Bodyguard), а сценариото за оваа реализација ќе го напише Метју Лопез, пишува Variety.
Новиот филм ќе биде инспириран од романтичната драма во која главните улоги ги играа Витни Хјустон и Кевин Костнер.
Овој филм беше премиерно прикажан во 1992 година и заработи 400 милиони во кината. Покрај тоа, музиката од филмот го достигна самиот врв на листата на најпопуларна филмска музика на сите времиња.
Продукцијата на филмот ќе биде потпишана од Лоренс Касдан, Ден Лин и Џонатан Ајрих.
Сѐ уште не е одлучено кои холивудски ѕвезди ќе глумат во филмот, но засега постојат теории дека тоа би можело да бидат Крис Хемсворт и Теса Томпсон или Ченинг Тејтум и Карди Б.
