Грчкиот борбен авион F-16 block 52 денеска се урна во близина на островот Псатура во централниот дел на Егејското Море, а пилотот е спасен – објави атинската ΣΚΑΪ.
Медиумот објави дека пилотот успеал да го активира системот за исфрлање и паднал со падобран во морето.
Генералштабот на воздухопловните сили потврди дека едноседниот авион од базата на борбени авиони во Лариса, во централна Грција, полетал на тренинг лет во формација со други авиони и се урнал предпладне.
Во операцијата за пребарување и спасување на пилотот додека не беше пронајден и подигнат од морето час и половина подоцна, учествуваа хеликоптерот AS332 Super Puma на воздухопловните сили, хеликоптерот С-70 на морнарицата и противпожарниот CL-415.
