Гонсало Коронел не е фудбалер познат на пошироката фудбалска јавност.
Играчот на аргентинскиот второлигаш Атлетико Атланта сепак стана вирално познат на социјалните мрежи поради бизарното изведување пенал.
Атлетико го одигра првото коло на Аргентинскиот куп против Вила Сан Карлос. После 0:0 во регуларниот дел, се пристапи кон изведување пенали. Резултатот беше 3:3, топката ја презеде Коронел, а потоа шутираше еден од најбизарните пенали досега.
Тој истрча преку дваесетина метри, за да застане пред топката, да скокне и да шутне млитаво на средината на голот, што беше лесна задача за голманот и одбрани.
