Сè уште се зборува за изгледот на актерката Сидни Свини, која на традиционалната афтер-журка на Оскарите организирана од американскиот магазин Vanity Fair пристигна во бел фустан со класичен крој.
Креацијата ја дизајнираше Марк Боуер, а истиот фустан го носеше и актерката Анџелина Џоли на Оскарите во 2004 година.
Со оглед на тоа што поминаа две децении откако Џоли го носеше овој фустан, интересно е што оваа креација сè уште е шик, а со изборот на фустанот Сидни покажа колку го цени стилот на познатата актерка и хуманитарка.
Сидни носеше и внимателно одбран накит, дијамантски ѓердан на модниот бренд Messika, кој исто така е сличен на она што го носеше Анџелина во 2004 година.
Покрај тоа што со изборот на модна комбинација ѝ оддаде почит на 48-годишната Џоли, изгледот на Сидни многу фанови потсети и на легендарната стилска икона Мерилин Монро.
Потсетуваме дека ѕвездата од серијата „Euphoria“ и филмот „Anyone But You“, која наскоро ќе се појави во филмовите „Madame Web“ и „Immaculate“, важи за една од најсексапилните актерки во Холивуд.
Но, постои научна причина за тоа. Имено, според пластичниот хирург Онур Гилард, актерката има црти на лицето кои ги исполнуваат речиси сите барања за создавање на „класична убавина“.
