Без никакви обврски, сексот со пријател звучи магично. Но, во реалноста знаете дека ова тешко би функционирало. Што би можело да тргне наопаку?
Подобро изгледа во вашите фантазии отколку во реалноста
Кога фантазирате за тоа, си го претставувате сексуалниот чин како совршен, како да секоја секунда ќе биде вредна за паметење. Големи се шансите инспирациите да ги наоѓате во еротски книги или филмови, но реалноста е сосема поразлична.
Самиот почеток би бил незгоден, а во текот на сексот може да се случи да бидете некоординирани бидејќи тој не е личност со која сте во врска. Нешто слично како секс за една вечер со сосема непознат човек, само што оваа личност може да ја повредите ако не бидете внимателни, бидејќи ви е пријател.
Сексот ќе влијае на пријателството
Можеби сметате дека не постои нешто доволно силно за да го уништи вашето пријателство, сексот ја има таа моќ. Лошото сексуално искуство може да ги претвори и најдобрите љубовници во најголеми непријатели.
Може да се појави неочекувана љубомора
Љубомората е чувство кое тешко го контролираме. Може да се појави кога најмалку очекуваме. Сигурно не очекувате да бидете љубоморни на вашиот најдобар пријател, но шансите за тоа се над 90% ако сте имале секс со него.
Може да развиете романтични чувства
Дури и ако сексот биде пријатно искуство и продолжите редовно да го практикувате, може да се случи да го гледате со поинакви очи. Преку ноќ во вас можат да се создадат романтични чувства. Ситуацијата може да се комплицира ако тој не се чувствува исто кон вас.