Најследената женска личност на Instagram, Селена Гомес, објави неколку фотки на кои позира без шминка и без филтер и предизвика воодушевување кај фановите.
Природното издание на 31-годишната пејачка и актерка собреа над 6,6 милиони лајкови.
„Преубава“, „Слатка“, „Најубавото лице на сите времиња“, „Природна убавина“... се нижеа коментари под објавата.
Инаку, Селена неподамна сподели свои фотографии во костим за капење споредувајќи се како изгледала порано и како изгледа сега.
„Не сум совршпена, но сум горда на тоа што сум... Понекогаш заборавам дека е во ред да бидам јас“, напиша на објавата на која сликите покажуваат дека порано била многу послаба.
Во октомври Гомес изјави дека во повеќе наврати трпела критики и исмејување поради своето тело и изглед по дијагнозата на лупус поради која накачи неколку килограми.
Таа сепак не дозволува тоа да ја повреди и често јавно се залага за природен изглед, па и зборува за проблемите кои ги наметнуваат социјалните стандарди за убавина.