Во денешно време скоро да не постои човек кој нема профил на една социјална мрежа како Facebook, Instagram или Twitter.
На нив може да се сретнат различни профили на луѓе, од оние кои се во тек со настаните до оние кои имаат лично мислење за секоја тема, па едноставно мораат да го кажат. Карактерот на луѓето може да го препознаете по однесувањето во комуникацијата на социјалните мрежи. Лесно се препознаваат оние полни со оптимизам, кои шират позитивна енергија, но и оние другите кои се против секоја идеја и постојано изнесуваат негативни ставови.
Нeкои луѓе се однесуваат како да се невидливи, иако се онлајн скоро никогаш ништо не објавуваат, секојдневно следат туѓи објави, ништо не може да им избега.
Постојат и такви кои постојано ставаат лајк на сите објави и мислат дека на тој начин ќе им бидат посимпатични на пријателите.
Сезнајковци
Секогаш сакаат да остават впечаток на некој паметен, попаметен од другите, па го објавуваат тоа што мислат ќе го докаже тоа. Очекуваат лајкови, но не ставаат лајк на туѓи објави. Себеси се сметаат за подобри од другите.
Всушност, се многу арогантни и не сфаќаат дека таквото однесување е ограничено. Луѓето со широк начин на размислување знаат дека не се најпаметни и дека секогаш може да научат нешто ново од другите луѓе.
Егзибиционист
Овие луѓе не знаат за интима. Буквално се сакаат да споделат на социјалните мрежи, дури и најинтимните моменти за да добијат повеќе лајкови. Секој лајк за нив е награда поради која се чувствуваат задоволно, исполнето и самоуверено.
Деловни луѓе
Ова се професионалци исклучиво фокусирани на своите производи или услуги. На социјалните мрежи гледаат како на место на кое може го промовираат својот бизнис.
Селфи
Тешко е да не ги забележите овие луѓе кои постојано објавуваат селфи фотки, како светот да се врти околу нив. Ако влезете во нивните фотографии ќе пронајдете многу селфи и ништо повеќе од тоа.
Дури и кога ќе отпатуваат некаде, на некое интересно место, нема да видите фотографии од градови, природа или други луѓе, пак тоа ќе биде нивно селфи.
Кавгаџии
Ова се тип на луѓе кои со секој пост гледаат причина за кавга. Оставаат непристојни коментари, објавуваат теми на кои можат да ја изразат нивната негативност. Што и да објави некој тие во тоа гледаат негативности, а потоа ќе го изразат личниот став и ако е можно ќе започнат расправија.
