Кошаркарите на Лос Анџелес Лејкерс поведоа со 3:1 во партии против актуелниот НБА шампион Голден Стејт Вориорс по победата од 104:101 извојувана ноќеска.
Шампионите повторно немаа решение за Леброн Џејмс и Ентони Дејвис под кошот, па Кралот постигна 27 поени со 9 скока и 6 асистенции, додека ЕјДи имаше 23 поени, 15 скока и 2 асистенции.
Голема помош имаа и во одличниот Остин Ривс, кој постигна 21 поен и имаше 4 асистенции.
На другата страна, Стеф Кари постигна 31 поен, 14 асистенции и 10 скока, но и неговиот трипл-дабл не значеше многу. Ендрју Вигинс додаде 17 поени, Гери Пејтон II имаше 15, но Клеј Томпсон никаде го немаше со мизерни 9 поени.
На Истокот, магичниот Џими Батлер го предводеше Мајами Хит до третата победа во серијата и сега во петтиот натпревар Њујорк Никс ќе игра за гол живот.
Одличниот Батлер постигна 27 поени, 10 скока и 6 асистенции, а одличен беше и Бем Адебајо со 23 поени и 13 скока.
