Брзото ширење на омикрон варијантата, која предизвикува поблаг облик на COVID-19 во споредба со претходните облици, поттикна мислење според кое многумина се прашуваат зошто се трудиме да ја спречиме заразата ако сите, порано или подоцна, бидеме изложени на вирусот.
Експерти одговорија на ова прашање.
Истражувањата покажаа дека е поверојатно омикрон да резултира со асимптоматски облик на ковид во однос на претходните варијанти. Меѓу заразените кои имаат симптоми голем број имаат благ облик на болеста како главоболка или растечен нос, но немаат проблеми со дишењето, како што беше со претходните варијанти.
Но, брзото ширење на омикрон значи и дека од потежок облик ќе заболат повеќе луѓе. Податоци од Италија и Германија покажаа дека луѓето кои не се вакцинирани се повеќе подложни на хоспитализација.
„Се сложувам дека порано или покасно сите ќе бидеме изложени на вирусот, но подобро е тоа да се случи подоцна. Зошто? Затоа што подоцна ќе имаме поквалитетни, подобри и подостапни лекови, како и поефикасни вакцини“, смета Мајк Нусензвајг од Универзитетот Рокфелер.
„Иако може да имате поблаг облик на болеста, вирусот и понатаму може да го пренесете на некој кој е во ризична група, подложен на смртен исход, дури и ако имате антитела стекнати со инфекција или вакцинација“, вели Акико Ивасаки, студентка за вирусна имунологија на Јејл.
„Уште немаме податоци за тоа колкав удел од инфекцијата со омикрон ќе заврши со долг ковид. Сите оние кои го потценуваат омикрон, го сметаат за поблага варијанта, се изложуваат на ризик од исцрпувачка болест која може да трае со месеци или години“, предупредува Ивасаки.
Треба да се има на ум дека два од три лека се неефикасни против омикрон. Ако се разболите, можеби нема да имате пристап до лекување.
Поради рекорден број заразени, болниците мораат однапред да одложат договорени хируршки зафати, како и лекување на онколошки пациенти. Во текот на претходните скокови во бројот на заразени и оние на кои им била потребна хоспитализација, преполните болници не биле во можност на адекватен начин да ги лекуваат останатите итни случаи како оние со срцев удар.
Омикрон е петтата варијанта на изворниот SARS-CoV-2 и преостанува да видиме дали понатамошната мутација ќе забави.
Високиот степен на заразени дава можност вирусот понатаму да мутира и нема гаранција дали новата варијанта ќе биде поблага од претходните.