Еден од најдобрите млади играчи во светот ја заврши сезоната поради тешка повреда на коленото на последниот натпревар од квалификациите за пласман на ЕУРО 2024.
Во последното коло Шпанија играше во Ваљадолид против Грузија и победи со 3:1, а во 26. минута теренот го напушти Гави поради тешка повреда.
Прво доби удар во десното колено и падна на тревникот, но можеше да ја продолжи играта. Грузиецот што стартуваше над него е дефанзивецот на Кремонезе, Лука Лочошвили. Токму тој си постигна автогол при крајот за конечни 3:1.
Сепак, веќе во следната акција Гави се обиде да ја шутне топката, незгодно застана и веднаш се струполи на тревникот.
Беше изнесен од теренот во солзи, а сега навивачите на Шпанија, но пред сѐ на Барселона, ја дознаа страшната вест.
Имено, првите лекарски наоди покажуваат дека 19-годишникот ги скинал вкрстените лигаменти на десното колено, што за него значи крај на сезоната.
Покрај тоа што нема да игра за Барса до крајот на сезоната, тој нема да игра ниту на Европското првенство во Германија, со оглед на тоа дека заздравувањето трае 6 до 8 месеци, а јасно е дека нема да биде подготвен за јунските натпревари.
Шпанските медиуми сметаат и дека Гави нема да може да настапи на Олимписките игри во Париз кои почнуваат на крајот на јули.
Гави почнал да вреска кога ја слушнал прогнозата на докторите. „Не е можно, не е можно! Морам да играм“, викал разочараниот Гави.
„Ова е многу тежок момент, за Гави и Барса, но и за репрезентацијата и за мене. Уништени сме, но фудбалот ги има овие работи, ова е грдиот дел и тоа е нешто неконтролирано“, рече шпанскиот сечлеклтор Луис де ла Фуенте.
„Ударот не беше ништо. Тоа беше само лош гест. Се случи поради контрола. Тој погрешно зачекори и коленото му мрдна. Ова може да се случи во секоја ситуација. Тоа беше несреќа. Беше совршен за играње. Беше свеж и феноменален. Тој едноставно не играше викендот и немаше проблем“, додаде селекторот.
