Ако ви здодеа секој втор ден да фрлате пожолтени и исушени листови зелена салата, експертот за храна и основач на Kitchen Tips Online, Мајкл Оранд, има генијално решение ко да направите салатата да трае многу подолго.
„Што воопшто предизвикува зелената салата да пожолти и да венее?“, прашува тој, објаснувајќи дека „виновникот“ е етиленскиот гас што зелената салата и другите зелени растенија природно го произведуваат кога се „повредени“.
Затоа, вели тој, таквите производи производителите ги пакуваат во пластика или пластична фолија, за до нив да не дојде етиленот што го произведуваат овошјето и зеленчукот што стојат во близина.
„Јаболката, на пример, испуштаат многу етилен додека се расипуваат, така што едно лошо јаболко ја расипува целата гајба“, објасни тој. Иистото важи и за салатата.
Претходно измешаната салата се расипува побрзо од оние посебно пакуваните, кои ги купувате како цели глави.
Значи, што да направите за да ја одржувате салатата свежа подолго? Веднаш штом ќе ја донесете дома, извадете ја од пластичната кеса, а откако ќе изедете една порција, остатокот ставете го во кеса со патент и отстранете го воздухот.
Дополнително, вели тој, салатата секогаш чувајте ја во најстудениот дел од фрижидерот и ќе трае најмалку три недели.
