Sony подготви ново ажурирање за конзолата PS5, кое ги подобрува звучниците и микрофонот на контролерите DualSense, додава покажувачи и емоџи реакции на функцијата Screen Share и вклучува можност за прилагодување на осветленоста на индикаторот „power“.
Ажурирањето прво стигна до тестерите минатиот месец, а сега е пуштено кај корисниците на конзолата на Sony ширум светот.
Sony го ажурира фирмверот на безжичните контролери DualSense и DualSense Edge како дел од ова ажурирање, за да ја подобри излезната јачина на звукот на играта, како и гласовниот chat. Микрофоните на двата контролери се подобрени благодарение на моделот за машинско учење, кој го поништува шумот во позадина како притискање на копчињата.
Функцијата Screen Share на PS5, исто така, доби покажувачи и емоџи реакции, што ви овозможува да цртате инструкции на споделениот екран и да обележувате области или објекти. Гледачите може да испраќаат емоџи реакции до споделувачот на екранот. Покажувачите и емотиконите ќе може да се оневозможат ако премногу го одвлекуваат вниманието.
Овој месец доаѓа и ажурирање на мобилната апликација PlayStation, така што корисниците на iOS и Android можат да ги користат овие нови интеракции на Share Screen.
Sony им овозможи на сопствениците на PS5 конзолата да ја приспособат осветленоста на индикаторот „power“, па може да се избере помеѓу три нови опции, слабо, средно и светло. Сепак, осветленоста на индикаторот не може целосно да се исклучи.
