Веројатно сте слушнале за мелатонин, хормон кој се лачи во текот на ноќта и го подобрува квалитетот на сонот. Меѓутоа, мелатонинот стана најновата состојка на многу козметички производи кои помагаат во обновувањето на кожата и го спречуваат процесот на старееење.
Хормонот мелатонин е клучен елемент за циклусот на спиење. Кога надвор ќе се стемни, мозокот ја забелужува промената на светлината и ослободува мелатонин, создавајќи потреба за сон.
Научните испражувања открија дека неговите антиоксидантни својства го прават да биде многу корисна состојка за нега на кожата.
Во текот на денот, нашата кожа е директно изложена на UV зрачење кое може да ја оштети, а во најлош случај да предизвика рак.
Нашето тело создава антиоксиданти со помош на антиоксидантни ензими. Мелатонинот го поттикнува производството на овие ензими во телото. Овие антиоксиданти се позначителни од оние коишто се содржат во витамините Ц и Е.
Освен тоа, со додавање на мелатонин во производите за нега на кожа нема ризик од нуспојави како што се главоболка, вртоглавица итн.