Десет минути трчање со умерен интензитет придонесува за зголемување на чувството на задоволство и ја зајакнува функцијата на мозокот, велат научниците.
Во студија објавена во списанието Scientific Reports, тим научници од Универзитетот Цукуба во Јапонија се обиделе да го утврдат акутниот ефект на трчањето врз расположението и мозокот.
Тие избраа 26 учесници кои трчаа на лента за трчање 10 минути. Тие заклучија дека трчањето резултирало со значително зголемено ниво на возбуда и уживање во споредба со контролната група во мирување.
„Според нашите сознанија, трчањето со умерен интензитет има корисен ефект врз позитивното расположение и подобрување на функцијата на мозокот“, велат авторите на студијата.
Тие исто така забележаа дека специфичните карактеристики на трчање можат да помогнат во активирањето на мозокот со зголемување на брзината на протокот на крв во средната церебрална артерија.
Коавторите Чорфака Дамронгтаи и професорот Хидеаки Соја изјавија за Medical News Today дека се „изненадени“ од резултатите.
Medical News Today ги истакна потенцијалните ограничувања на студијата, вклучително и нејзиниот мал опсег и самопроценка на расположението.