На 11 март годинава се навршија 10 години од нуклеарната катастрофа во Фукушима, најголема по Чернобил.
Разорните бранови предизвикани од земјотресот од 9 степени по Рихтер го погодија североисточниот брег на Јапонија и убија скоро 20.000 луѓе и ја уништија нуклеарната електрана во Фукушима.
Поминаа десет години откако радијацијата принуди илјадници луѓе да побегнат од нивните домови во Фукушима, а некои градови во тој регион и понатаму тешко се носат со прашањето како да го обноват животот во заедницата.
Повеќе од 160.000 луѓе побегнаа поради радиоактивното зрачење. Кијоши Кукокава ја водеше истрагата од која крајниот заклучок е дека за катастрофата е виновен човечки фактор. Владата потроши скоро 300 милијарди долари за обнова на регионот Тохоко кој беше уништен од цунамито, додека подрачјата околу нуклеарката во Фукушима и понатаму се со тежок пристап.
Фотографката Џанин Пендлтон ја посети областа и ги сними овие морничави фотографии од Фукушима, една деценија по катастрофата.
„Ништо не можеше да ме подготви за глетката што ме дочека и бранот емоции што ме преплави кога ја посетив Фукушима. Една деценија подоцна, целиот регион ги носи лузните од тој кобен ден“, вели таа.
