Уште од пронаоѓањето на телескопот во 17 век, Марс со векови е најголемиот истражувачки предизвик за луѓето.
На оваа планета од 60-тите години на минатиот век па досега се испратени десетици вселенски летала. Сите имаа за цел да собираат податоци за минатото на Марс, но и за евентуална подготовка за колонизација на планетата.
Кон крајот на 2022 година, по големите откритија за мистериозната внатрешност на Црвената планета, официјално заврши мисијата на InSight на НАСА.
По минати 1.500 дена на Марс, прогласен е крај на програмата откако Insight не одговори на две контролни пораки од лабораторијата на НАСА во Пасадена, Калифорнија. Сеизмичките податоци од оваа мисија нудат увид не само во тајните на Марс, туку и за другите карпести тела, вклучувајќи ја и Земјата.
InSight на Марс преживеа низа бури од прашина. На крајот, ништо не можеше да ја спречи Црвената прашина да создаде непробоен слој на соларните панели, како што беше забележано во последното селфи.
И покрај сите предизвици, InSight имаше сила да продолжи со снимање, но мораше да ги исклучува инструментите, еден по еден.
За разлика од другите ровери, Insight е дизајниран да остане на местото на слетување и на тој начин да го изврши првото „набљудување“ на Марс, опремено со низа соларни панели, инструменти и роботска рака.
InSight влезе во историјата со детектирање на првите марсотреси и нивно снимање.
Истражувајќи ја областа на древна речна делта на Марс, роверот Perseverance на НАСА успеа да собере скапоцени примероци. Помеѓу нив има и органска материја што укажува дека на кратерот Језеро некогаш постоело вода.
Органските молекули на Марс се од голем интерес за научниците бидејќи можат да бидат доказ дека некогаш постоел живот на оваа планета.
Подготвени се и првите примероци од Марс, за враќање и нивно проучување на Земјата.
Имавме прилика да видиме и како изгледа зимата на Марс.
