Во 2023 година, продажбата на електрични автомобили во светот се зголеми за 31 отсто на годишно ниво на 13,6 милиони, пренесува Reuters повикувајќи се на британската консултантска компанија Raw Motion.
Годишниот раст на продажбата на електрични автомобили е преполовен во однос на 2022 година, кога изнесуваше 60 отсто.
„Продажбата расте со побавно темпо, но тоа не е изненадување, не може да се удвојува секоја година“, коментираше менаџерот за податоци на Raw Motion, Чарлс Лестер.
Компанијата проценува дека минатата година биле продадени 9,5 милиони целосно електрични возила, а останатите се хибридни.
Рекорден месец беше декември кога беа продадени 1,5 милиони електрични возила. Компанијата очекува глобалната продажба на електрични возила да порасне за 25 до 30 проценти во 2024 година.