Едно од најчестите прашања што ќе си ги постави секоја новопечена мајка е каква храна смее и не смее да јаде додека дои.
Иако и денес повремено има полемики за „забранетата“ храна за мајките кои дојат, повеќето експерти се согласуваат дека жената може да јаде сè додека дои. Секако дека не смее со ништо да претерува.
Важно е доилките да знаат дека можат да ја јадат секаква храна, но важно е оброците да бидат умерени и разновидни. Сепак, подобро е да се минимизира конзервираната и преработената храна поради штетните работи кои може да се пренесат на детето преку млекото. Дополнително, важно е доичката мајка да јаде редовно, т.е. без премногу долги периоди на гладување. Во просек, се препорачуваат четири до пет оброци дневно, иако не мора сите да бидат подеднакво обилни.
Друга важна точка е лактацијата. Многу доилки сакаат да знаат како да ја подобрат лактацијата и дали има храна која може да им помогне во тоа. Секако дека има, а тоа се најмногу анасон, репа, моркови, слатки компири, житарки, млечни производи, овошје, спанаќ, блитва и зелена салата. Споменатата храна содржи големи количини на антиоксиданси, бета-каротен, железо и протеини, кои влијаат на поттикнување на лактацијата на млекото кај доилките.
Исто така, важно е да се спомене дека на лактацијата на млеко не влијае само исхраната, туку и други фактори како редовното доење или таканаречената понуда и побарувачка, квалитетен сон, зголемен внес на течности, недостаток на стрес и релаксација.
