Дали имате сексуални соништа? Дали некогаш сте се прашале што всушност значи тоа?
Според д-р Филис Р. Кох-Шерас, клинички психолог и автор на „The Dream Sourcebook“, важно е да размислите како се чувствувате за самиот сон пред да донесете брзи заклучоци.
„Бидете внимателни при преземањето на туѓото толкување на значењето на вашиот сон. Размислете за вашите чувства и асоцијации со настани и ликови, а потоа видете каква порака тие би можеле да имаат за вас“, вели таа.
Ова се шест вообичаени секс соништа, како и нивното значење.
Соништата за сексуално изневерување на вашиот партнер може да значат две работи: се соочувате со одредена вина (но не мора да значи дека сте изневериле) или доживувате одредена реафирмација на страста што ја имате со вашиот партнер. Ако тие соништа за изневерување се појавуваат пред вашата свадба (што е вообичаено), тоа ја претставува новоста на вашата сексуална страст. Така, не треба да се грижите кога соништата за секс вклучуваат ваше неверство.
Постои голема веројатност дека соништата во кои вашиот партнер сексуално ве изневерува значи дека сте гневни, дека се чувствувате запоставено или дека на некој начин ви треба внимание. Сонот во кој партнерот ве изневерува може да ги одразува и проблемите на внатрешната самодоверба и доверба. Размислете за контекстот на ситуацијата и чувствата што ги имате во сонот. Ова се индиции за значењето на сексуалното искуство за вас.
Кој не сонувал како води љубов со славна личност? Иако е сосема безопасно да сонувате дека имате секс со некој што веројатно никогаш нема да го запознаете, ако сонувате дека имате секс со позната личност, тоа може да значи дека имате интензивна желба да бидете успешни и да ве препознаат за тој успех. Во суштина, и вие сакате да бидете ѕвезда!
Сонувањето оргазам не е премногу лошо бидејќи симболизира „наелектризиран крај на нешто“. Соништата за оргазми може да значат и дека едноставно треба да водите љубов во реалниот живот или да ги надминете сите недостатоци со кои можеби се соочувате во вашиот сексуален живот. Ако е така, размислете да контактирате со сексуален терапевт за помош во реалниот свет.
Ако сте стрејт и сонувате за секс со личност од ист пол, постојат две можни значења за тоа: или тоа значи дека навистина се сакате себеси и имате силно чувство за прифаќање на себеси, или сосема спротивното, дека имате несигурности за вашата машкост или женственост. Размислете за карактеристиките на личноста на вашиот сексуален партнер во сонот. Дали би можеле повеќе да ја користите оваа особина во вашиот живот?
Иако можеби мислите дека тоа е некој вид потисната сексуална желба за шефот на работа, овој сон всушност претставува желба за контрола, авторитет и силно чувство за моќ. Сакате да бидете шеф во вашиот вистински, буден живот.
