Силен земјотрес со интензитет од 5,3 степени по Рихтеровата скала денеска во 10:47 минути го погоди хрватскиот остров Крк во Јадранското Море, каде бил и епицентарот, соопшти Европско-медитеранскиот сеизмолошки центар.
Земјотресот се случил на длабочина од 10 километри, 4 километри источно од Крк и 37 километри југоисточно од Риека.
Земјотресот се почувствувал во поширокото подрачје, како и во Загреб и во соседна Босна и Херцеговина и во Трст во Италија.
„Пукање на прозорци и ѕидови“, „Траеше 10 секунди“, „Цриквеница*, страшен звук, се чувствуваше тресење“, „Нишање во правец север-југ. Прозорецот малку крцна“, „Лопар**, остров Раб.. се почувствува силно тресење околу 3 секунди“, се дел од коментарите.
*Мало гратче на јадранскиот брег спроти Крк.
**Мало гратче на соседниот остров Раб јужно од Крк.