Угледниот француски весник L'Equipe ја објави листата на најплатените фудбалски тренери во петте најјаки лиги.
Листата на најплатени ја предводи тренерот на Атлетико Мадрид, Диего Симеоне, кој заработува 3,3 милиони евра месечно. Во шпанската лига го следат Карло Анчелоти кој има плата од 910.000 евра месечно и тренерот на Атлетик Билбао, Марселино Гарсија Торал, чија плата е половина милион евра.
Тренерот на Манчестер Сити, Пеп Гвардиола, кој има месечни примања од 1,89 милиони евра, заработува најдобро во англиската Премиер лига.
Јирген Клоп и Антонио Конте имаат плати од по милион и пол евра.
Најплатен во италијанската Серија А е тренерот на Јувентус, Масимилијано Алегри, кој има плата од 1,17 милиони евра.
Жозе Мурињо добива 770.000 евра месечно, додека платата на Симоне Инзаги е 620.000 евра.
Јулијан Нагелсман, тренерот на Баерн, ги предводи најплатените тренери во германската Бундеслига. Секој месец добива по 666.000 евра.
Во француската лига најплатен е тренерот на ПСЖ, Маурисио Почетино, кој заработува 1,1 милион евра месечно.