Фудбалерите на Манчестер Сити победија на стадионот „Етихад“ во последниот натпревар од 7. коло на Премиер лигата против тимот на Тотенхем со резултат 4:2 и со тоа се вратија во игра за шампионската титула по поразот од градскиот ривал Јунајтед во последното коло.
Сити доминираше од самиот почеток на натпреварот, но двата тима имаа неколку убави шанси во првото полувреме. Вистинскиот шок за „Граѓаните“ дојде во последните неколку минути пред заминувањето на одмор.
Најпрво во 44. минута Кулушевски ја искористи големата грешка во одбраната на Сити и го доведе Тотенхем во водство, а само три минути подоцна Емерсон Ројал погоди со глава за 2:0.
Сепак, само 18 минути игра во продолжението беа доволни за актуелните шампиони целосно да го вратат резултатот.
Алварес го постигна првиот гол по големата гужва во шеснаесетникот на Тотенхем, а Холанд израмни со глава од центаршутот на Махрез. Одлдично расположениот Махрез украде една топка во 63. минута, по што поита кон голот на „Петлите“ и постигна гол за пресврт.
Тотенхем не успеа да се наметне до крајот на натпреварот, а Сити преку одличниот Махрез успеа да постигне уште еден гол за конечни 4:2.
Сити е на второто место во Премиер лигата со пет бода помалку од лидерот Арсенал кој има натпревар помалку, додека Тотенхем е на петтата позиција. Во следното коло Сити го пречекува Вулверхемптон, а Тотенхем му гостува на Фулам.
